లలితా రహస్య నామ అర్ధము + ఫలితము
0052 నామం : శివకామేశ్వరాంకస్థా
శివకామేశ్వరాంకస్థా : శుభస్వరూపుడు, కామ స్వరూపుడు అయిన శంకరుని యొక్క తొడపై ఉన్న తల్లికి నమస్కారము.
Shiva Kaameshwaraankasthaa : She who sits on the lap of Kameswara (Shiva). Salutations to the mother.
శ్రీ లలితాసహస్రనామ స్తోత్రంలోని 0052 నామం : శివకామేశ్వరాంకస్థా
"ఓం ఐం హ్రీం శ్రీం శివకామేశ్వరాంకస్థాయై నమః"
ఇది ఎనిమిది అక్షరాల నామం. ఈ నామంతో అమ్మవారికి నమస్కరించునపుడు "శివకామేశ్వరాంకస్థాయై నమః" అని చెప్పాలి.
శివ = శివస్వరూపుడు
కామ = కామస్వరూపుడు అగు
ఈశ్వర = శంకరుని యొక్క
అంక = తొడయందు
స్థా = ఉన్నది.
ఈ నామానికి చాల ప్రాముఖ్యం ఉంది. ఇది అమ్మవారి నివాస స్థలాన్ని గురించి చెప్పేనామం. ఈ నామం లో అయ్యవారైనా ఈశ్వరునికి రెండు నామాలు చెప్పబడ్డాయి. అవి 1. శివుడు 2. కాముడు. శివుడు మంగళ స్వరూపుడు. శుభకరుడు. కాముడు - కామస్వరూపుడు. ఈశ్వరుని - ఈ రెండు రకాల నామాలకు అంతరార్ధాలు ఉన్నాయి. శివకామేశ్వరుని తొడమీద అమ్మవారినివాసమట! సౌందర్యలహరిలో శంకరాచార్యులవారు "సుధాసింధోర్మధ్యే.... పరమశివ పర్యంక నిలయాం . చిదానందలహరి" అనే 8వ శ్లోకం లో అమ్మవారి నివాసం గూర్చి చెప్తూ "పరమశివపర్యంక నివాసిని" గా వర్ణించి చెప్పారు.
శివునికి తల్లిదండ్రులు లేరు. ఎప్పుడు, ఎక్కడ పుట్టాడో తెలియదు. అందుకే ఆయన ప్రపంచానికే ప్రథముడు. ఈ శివుని నుండియే అమ్మవారు అను భౌతిక ప్రపంచము వ్యక్తమైనది. సంఖ్యాత్మకంగాను, ప్రాదేశాత్మకముగాను గూడ అమ్మవారు ఈ శివుని నుండియే విశ్వముగా విస్తరిల్లింది.
సమస్త కామములకు ఆ దేవి ప్రతి రూపము, ఈ జగత్తు అంతా ఆ కామము(సృష్టి చేయవలెను అన్న కోరిక)నుండి ఉద్భవించి నది. ధర్మ విరుద్ధము కానీ ఏ కోరిక అయినా ఆ తల్లి దయవల్ల నెరవేరుతుంది. అన్ని రూపాలకు ఆధారభూతమై శక్తి ఆ పరమేశ్వరుని ఆశ్రయించి ఉంది. అట్టి శక్తిని చిత్త శుద్దితో ఆరాధించిన. అన్ని శుభములు కలుగుతుంది.
మొత్తము మీద ఈ నామానికి శివస్వరూపుడు, కామస్వరూపుడు అయిన ఈశ్వరుని యొక్క (ఎడమ) తొడ యందు నివాసము గలది అని అర్థము.
మంత్ర ప్రయోగ ఫలితం
చాలాకాలం నుంచి తీరని కోరికలతో బాధపడేవారు ఈ మంత్రాన్ని నిత్యం భక్తితొ రోజూ 18 సార్లు జపిస్తే, ఆ కోరికలు తీరతాయి. ఏ విషయం పైనైనా తొందరగా అవగాహ రావాలని కోరుకొనేవారు ఈ మంత్రాన్ని నిత్యం 11 సార్లు జపించాలి. విజ్ఞానాభివృద్ధి కోరేవారు రోజూ 27 సార్లు పారాయణ చేయాలి. పెళ్ళి తొందరగా అవ్వాలని కోరుకొనేవారు (9 రోజుల పాటు రోజూ 1008 సార్లు పారాయణ చేస్తే సత్వరం వివాహం అవుతుంది)
Click & Read లలితా రహస్య నామ భాష్యము
- జ్యోతిష్య వాస్తు మహిళా శిరోమణి శ్రీమతి కర్నాటి వనిత
